طريقة عمل الفطائر....

صباحكم/مسائكم ورد
هذي فطاير تجنن حتى عجينتها سريعه

مقادير العجين:-
1ونص ملعقه صغيره خميرة البيرة
3 فناجيل شاي ماي
1 ملعقه كبيره سكر

المقادير هذي حطيها في علبة مويه ورجيها وأتركيها ربع ساعه

وحطي كوبين دقيق
1ملعقه كبيره bb
3 ملاعق كبيره حليب
ملح
وثلث فنجال شاي زيت

حطيها مع بعض وقليبها وبعدين حطي المويه وإلي معاها عليها

وإذا تبين العجينه تخمر بسرعه شغلي الفرن 10 دقايق بعدين قفليه وحطي العجينه فيه
وإذا تبينها تتأخر ما له داعي فرن



الحشوة:-
علبه تونه كبيره
نص بصله متوسطه
فلفل رومي وطماط وحسب رغبتك
زيت
ملح وبهارات

قطعي البصل صغار وحطيه بقدر وحطي الزيت وحطيه ع النار إلى أن يصير لونه ذهبي حطي الفلفل الرومي والطماط وحركي وبعدين حطي التونه بعد ما تصفين الزيت من عليها وحطي الملح والبهارات وأتركيها ع النار عشر دقايق

بعدين خذي العجين بعد أن تخمرت وشكليه كور بحجم متوسط وحطيها بصينيه مدهونه وحطيها بالفرن لين تحمر و بعدين طلعيها وقصيها بالسكين من الوسط بشكل عرضي وبعد ما تقصينها أدهنيها بجبنه سايله وحطي التونه وبالعافيه

أتمنى أنها تعجبكم خاصه العجينه إلي الكل يسأل كيف تسوينها